Jowai, Jymmang 14: Ka Jaiñtia Student Union (JSU) sengkmie mynta ka sngi ka la ïoh ban pynkha ïa kawei na ka shnat treikam jong ka seng ïa kaba la tip kum ka ‘Labang-Nongphyllut Circle’ bad lah pynbam smai ïaki dkhot da u General Secretary seng kmie u samla Treibor R Suchen.
Hashwa kane la don ka jingïalang ba lyngkot ba la pynïaid da samla rangbah u Heibor Pariat bad la ïoh ban pynbam smai bad pynskhem ïaki dkhot thymmai ka seng jong ka Labang Nangpyhllut Circle ha ka shnong Mukroh, West Jaiñtia Hills.
Ha kane ka sngi la jied ïa u President samla Salbiud Marten, Vice President samla Elias Lamare, General Secretary samla Rajes Tamaha, Finance Secretary samla Mathaios Mutong, Education Secretary samla Gilbert Sutong, Asst. Education Secretary samla Planki Lamare, Chief Organising Secretary samla Stanly Tron, Asst.Organising Secretary samla Chembor Khyrwang, Publicity Secretary samla Johnny Suchiang, Sports Secretary samla Kyrpad Tron, Environment Secretary samla Kyrchan Samayang, Agricul tural Secretary samla Kilius Mayang, Art and Cultural Secre tary samla Kestarly Samayang, Social Secretary samla Deibormi Muiai lem bad ki 40 tam ngut ki dkhot Committee.
Na ka liang u President bad u General Secretary ka Labang Nongphyllut Circle haba ai jingkren kila pynsngew ba kine ki nongïalam ba thymmai ka seng kin trei na ka bynta ka bha ka miat jong ka jaitbynriew bad ïaka Ri Jaiñtia hi baroh kawei.
Shuh shuh kila pynsgew ba seng JSU kadei ka seng kaba lah suit lah shor bad kaba la ïoh jingshañiah tylli na u paid ka ri Jaiñtia naduh ki por ba mynshwa bad ki la ong ba ki sngewdonbok ban ïoh lad ban rung sha ka seng JSU ban ai ka jingshakri kaba hok ïaka imlang ka sahlang lyngba kane ka seng.
