Shillong, Naiwieng, 08: Ka Voice of the People Party (VPP) dang shen ka la pynkha ïa ka shnat treikam ha Eastern West Khasi Hills District.
Ka party ka la thung ïa ki nongkitkam jong ka District Unit, ka Women’s Wing bad ka Youth Wing.
Ïa u Bah John Jeffery Basaïawmoit la jied kum u President jong ka District Unit, katba u Bah Rishan Nongrum u la shah jied kum u Vice President bad u Bah Powell Sohkhlet kum u Secretary.
Kane ka kynhun ka kynthup ruh ïa u Bah Banlamphang Kharmawlong kum u Joint Secretary, Bah Sylvanus Diengdoh kum u Organising Secretary bad u Bah Wanlamjur Lawrynniang kum u Treasurer.
Ïa ka VPP Women’s Wing Eastern West District Unit la ïalam da ka Kong Markor Syiem kum ka President, katba ka Kong Mabilis Nongbah ka la shah thung kum ka Vice President bad ka Kong Baïa Kharsyntiew kum ka Secretary.
Ïa ka Youth Wing la khlieh da u Bah Maitphang Ranee kum u President, u Bah Walkingstar Lyngkhoi kum u Vice President bad u Bah Rishanlang Marweiñ kum u Secretary.
