Khliehriat, Nailar 24: Ki nongïalam jong ka Pnar Student Movement (PSM) Central Body, ha ka 22 tarik mynta u bnai ki la hiar sha Khliehriat, East Jaiñtia Hills, ha kaba ki la pynkha bad pynskhem ïa ka thnat treikam jong ka seng Pnar Students Movement (PSM) kaba la tip kum ka PMS Khliehriat Circle.
Ha kane ka sngi ïa ka jingïalang la pynïaid da u General Secretary ka PSM Central Body ha ka jingïadonlang u President Central Body u Embhah Pasah. Ha kane ka jingpynkha ïa kane ka shnat treikam ha East Jaiñtia Hills District la ioh ïa ka jingduwai na u PK Lyngkot ha shwa ban adang bad ka jingkren lyngkot na u bah Kular Skhem Sariang una dei u Working President ka PSM Central Body.
Ha kane ka sngi la pyntian smai ruh ïa ki dkhot ka PSM Khliehriat Circle, da u President Central Body.
La ong ruh ba ha shwa ban pyntian smai ïa ki nongïalam bad ki dkhot ka Khliehriat Circle laioh ka jingkren lyngkot na u President Central Body ha kaba la ai ïa jingkren da u President central body bad u la ai ruh ki kyntien kyrkhu kyrdoh ïa ki nongkitkam jong ka seng bad ki dkhot ki ba la pyniasoh sha ka seng bad ruh u la ong, ba kum ki khun samla ha ba trei ïa ka bha ka miat ha ka imlang sahlang ha kam ban shakti bad ïa kit ïa bah ïa ka khia ka shon jong ka ri bad ka jaitbynriew, ngin hap ban mad shibun ki jingeh hynrei ai ba kita ki jingeh kin long ki mawjam sha ka lawei ka jait bynriew.
Hadien ka jingkren lyngkot u la shim ïa ka bynga ba kongsan ha kaba u la pyntian smai bad pynskhemïa ki nongakitkam bad ki dkhot .
Ki nongkitkam bad ki dkhot jong ka Pnar Students Movement Khliehriat Circle kiba la pynakhen ki kynthup, u President Bestly Dkhar, Vice President Jesper Lyngdoh, Secretary Heipormi Sayoo, Assistant Secretary Andreas Rymbai, Finance Klosming Rymbai, Assistant Finance Angelo Dkhar, Organizing Secretary Spelling Dkhar, Sport Secretary Ammy Susngi, Assistant Sports Secretary Miky Siangshai, Cultural Secretary Early Bamon, lem bad ki 21 ngut ki dkhot ka Executive Committee
Hadien ba la ioh ïa ka ingkren lyngkot na u President Central Body ha kaba kum u nongïalam u la ai ki kyntien kyrkhu kyrdoh ïa ki nongkitkam bad ki jong ka seng ki ba pyniasoh sha ka seng bad u la ong, ba kum ki khun samla haba trei ïa ka kam shakri ïa ka imlang sahlang ha kaba ïa kit ïa bah ïa ka jaitbynriew, hap ban mad shibun ki jingeh hynrei ai ba kita ki jingeh kin long ki mawjam na ka bynta ka lawei ba bha jong ka jait bynriew.
