Jowai, Risaw 17: Ka Federation of Khasi Jaiñtia and Garo People (FKJGP) West Jaiñtia Hills District, mynta ka sngi kala ïoh ban pynkha sa kawei ka shnat trei kam ba pura haka shnong Namdong ka ban tip kum ka FKJGP Namdong Circle.
Ha shwa ban pyn skhem ïaki nongkitkam kane ka Circle la don ka jingïalang kaba lyngkot bala pynïaid da u Asst Secretary ka West Jaiñtia u Nangkhraw Rani, la ïoh ïaka jingkren pdiang burom na u Secretary ka West Jaiñtia u M. Kynti Marboh bad la pynshai ïaki mat trei kam jong ka seng bad la ïoh ka sneng kyntu da u D.S. War President FKJGP West Jaiñtia Hills District bad ula pynskhem bad pyntian smai ïa ki nongkitkam jong ka Namdong Circle.
Ha kane ka sngi la ïadon lang u Phrangki Kyndait Organising Secretary Thadlaskeiñ Circle, u Arwot Myria Advicer FKJGP Nartiang Area Unit, nalor kiwei de.
Ki Nongkitkam jong ka Namdong Circle ki kynthup ïa u President Silverius Susngi, Vice President Mery o Rymbai, Secretary Dawni Rymbai, Asst Secretary Pynkhraw Myrmein, Organising Secretary Chiwit Sariang, Information Secretary Pham Pakma, Asst Information Secretary Damiki Siangshai, lem bad ki 13 ngut ki Dkhot.
