Shillong, Jymmang, 27: Kum ka jingpynkhreh ïa ka elekshon sha ka Ingdorbar Thawaiñ ha u snem 2023, ka BJP Meghalaya State Unit ka la pynkha ïa ka shnat treikam jong ki samla ha North Shillong Constituency.
Ha kane ka sngi la sakhi lang da u State President ka BJYM u Bah Krison Langstang bad u General Secretary u Bah S. Lyngdoh.
Da ki phew ngut ki samla ki la ïashim bynta ha kane ka jingïalang ba la pynskhem ïa ka Adhoc Body da kaba thung President ïa u Bah Daniel Diengdoh bad General Secretary ïa u Bah Everlastman Shangdiar bad kynthup 25 ngut ki dkhot.
Kane ka jingïalang ka la shim ïa ka rai ban pynthikna ba u kyrtong jong ka BJP na North Shillong Constituency un ïoh ïa ka jingjop khnang ban wanrah ïa ka roi ka par hapoh ka constituency bad ha ka jylla baroh kawei.
