Nongstoiñ, Ïaiong 1: Ka HFU Umyiap Circle lyngba u Vice President Bah Densil Nongsiej ka la pynpaw ïa ka jingsngewkhia halor ka jingnang bun ki kulai kiba khlem trai ha Madan Umyiap, Nongstoiñ West Khasi Hills District, kiba la pynjot ïa ki jingthung kum ki kajor, motor bad kiwei.
Kumta ka seng lyngba utei u nongïalam ka la kyrpad ïa baroh ki trai ban wan shim noh bad sumar noh, namar ha ka thaiñ hi naduh 15 tarik u Lber, ka la dei ka por sumar. Lada ïai pynslem kin pynjot shuh shuh ïa ki nongrep.
Kitei ki mrad ki la pynjot ïa ki jingthung jingtep, khamtam ïa ki shnong ba kynthup ïa ka Mawkynbat, Mawsngapwir, Lumpyngngad, Nongdiwah, Nongrangoi bad baroh ka thaiñ.
