Pynjlan ka sorkar pdeng sa 6 bnai ïa ka jingshakri jong ka Kong Nongrang kum ka DGP ka jylla

Shillong, Rymphang 12 : Ka sorkar pdeng lyngba ka tnad Ministry of Personnel, Public Grievances and Pensions, Department of Personnel and Training ka la mynjur ban pynjlan sa 6 bnai ïa ka jingshakri ka Kong Idashisha Nongrang kum ka Director General of Police (DGP) ka jylla.
ïa ka jingtyrwa kaba la phah da ka Ministry of Home Affairs bad la ai jingmynjur da ka Appointments Committee jongka Cabinet, Ministry of Personnel, Public Grievances and Pensions, Department of Personnel and Training ha ka 11 tarik u Rymphang.
Kane ka jingpynjlan ka ailad ïa ka Kong Nongrang ban bteng ban trei kum ka DGP ka Meghalaya sa na ka bynta 6 bnai hadien ba ka samoi treikam ka jongka kan kut noh ha ka 19 tarik u Jymmang 2026.
ïa kane ka kam la shimkhia kyrpang ha kaba ïadei bad ka bha ka miat ki paitbah hapoh jongka Rule 16(1) jongka AIS (DCRB) Rules, 1958.
“Ka Appointments Committee jongka Cabinet ka la mynjur ïa ka jingtyrwa jong ka Ministry of Home Affairs ban pynjlan ïa ka jingshakri jongka Kong Idashisha Nongrang, IPS (AM:1992), Director General of Police, Meghalaya, sa na ka bynta 6 bnai da kaba pynjynsur ïa ka Rule 16(1) jongka AIS (DCRB) Rules, 1958, kum ka kam kaba kyrpang na ka bynta ka bha ka miat ki paitbah” la ong u Director Sakshi Mittal ha ka shithi kaba la phah sha u Secretary ka MHA u Govind Mohan ha ka sngi Balang.