Nongstoiñ, K’lyngkot 14: Ka District Magistrate, Eastern West Khasi Hills District, Mairang ka la pynjari da ka kyndon aiñ kaba 163 BNSS, 2023 ha baroh ki bynta ka Eastern West Khasi Hills na ka bynta ban khang pyrshah ïa ka jingwan shalan beaiñ, ne pynïaid iew tuh bad die ïa ki dohkha kiba la wan kit na Bangladesh, khlem ki kot ki sla kiba biang.
La maham ruh ïa ka jingpyndohkam ïa ki kali, ki lieng bad kiwei kiwei ki tiar ha ka ban kit bad shalan ïa ka dohkha bad ruh ïa kito ki riew shimet ne ki kynhun kiba don bynta ha ka ban pynïaid ïa kane ka kam beaiñ.
Ïa kane ka aiñ la pynjari hadien ka jingdon jong ka jingkhaïi tuh bad pynïaid iew ïa ki dohkha na Bangladesh ha kiba bun ki jaka khappud bad wat ha ki iew ki hat. Namar kane kan ktah ïa ka kamai kajih jong ki nongshong shnong, ka ktah ïa ka shongsuk shongsaiñ bad ka buh jingma ruh ïa ka jingshngaiñ jong ka ri.
Kino kino kiba ïaleh pyrshah kin ngat ha ka jingshah pynsaja katkum ka Kyndon aiñ 223 BNSS Act, 2023, bad kiwei ki Kyndon Aiñ kum ka BNS, Custom Act, Foreign Act, Passport Act, bad kiwei kiwei.
