Shillong, ïaïong: Naba la ju don ka jingud na ka liang ki paidbah ba don ki briew kiba pyndonkam ïa ki rukom khwai doh da kaba pynbthei bom, ki dawai bih, pynap jar/tyngsong bad kiwei kiwei ki rukom khwai doh kiba pynsaja bad pynduh jait ïa ki kynja ba im hapoh ka wah Rimen ka ba ïaid lyngba ki shnong; Umphniang, Um-hlew, Kalashandi, Shalai Malai, Iap Shynreh, Katraduwa, Dholai, Huru-Pukni, Joiram, Kharabri bad namar ka jingujor halor ka jingthang khlaw beaiñ khlem ka jingsngewthuh bad ka jingkitkhlieh ha kitei ki shnong kiba hap hapoh ka Malai Sohmat Syiemship bad ka Bhowal Syiemship kiba don hapoh ka East Khasi Hills District, bad namar kine ki jingleh jong ki kan wanrah ka jingduhjait ïa ki jingim hapoh ka um bad khyndew, ka jingjulor ka mariang bad nalor kata kan wanrah ruh ïa ka jingma ia ka koit ka khiah jong u paidbah, kumta katkum ka bor ba la pynkup ka District Magistrate, East Khasi Hills District, Kong Isawanda Laloo katkum ki kyndon ain Section 144 Cr.P.C ka la pynbna paidbah ba la khang bad mana tyngeh ban pyndonkam ïa ki rukom khwai doh ki ba pynjot bad pynduhjait ïa ki kynja jingthaw ba im hapoh ka wah Umngot bad wah Umlew, bad la mana ruh ban thang khlaw beaiñ ha kitei ki shnong kumba la kdew, kiba don hapoh jong ka East Khasi Hills District.
Kum ki bor ba dei peit ïa ki shnong ki thaw na ka liang ka Magistrate ka buh ka jingkyrpad ba lada lap ne ïoh jingtip ïano ïano ki ba leh ïa kitei ki jait kam kumba la kdew haneng kin sngewbha ban pyntip mardor sha kane ka ophis bad yn pynshitom ïa ki katkum ka ain.
Kane ka hukum kan treikam mardor naduh ka 25 tarik mynta u bnai tad haduh ban da pynbna da kumwei pat.
