Jowai, Jylliew 18: U Deputy Commissioner ka West Jaiñtia Hills District mynta ka sngi ula pynmih ïa ka hukum hapoh ka kyndon 144 CrPC kaba khang pyrshah ïa ki nongleit nongwan ban ïaid na u surok L026 Syntu Ksiar sha Shnong Chyrmang uba jngai 4 kilo miter eiei.
La pynjari ïa kane ka hukum shi bynta ban lait na kano kano ka jingjia kaba sngewsih namar ka jingbteng ka jinghap u slap kaba la bun jingma ïa ki bynta jong ka surok bad ki lah ruh ban twa na ka jingshong synjor ka khyndew.
Ïa kane ka hukum u DC ula pynbna paidbah mynta hi ka sngi bad kan treikam noh mardor tad haduh ban pynbna da kumwei pat.
