Mairang, Nailar, 16: U District Magistrate ka Eastern West Khasi Hill District, u bah G Kharmawphlang IAS, u la pyntreikam da ka kyndon 163 BNSS 2023, kaba khang bad mana pyrshah ïa ka jingbret pathar ïa ki plastic bad kiwei kiwei ki kynja packet jingbam plastic ne bilor plastic ha ki ophis, ki college, ki skul bad ki jaka jngoh kai pyrthei ne tourist spot.
Ka jingbret pathar ïa ki kynja plastic ka wanrah ka jingisih bad jaboh ïa ka mariang bad ki sawdong sawkun jong ka hapoh ka Eastern West Khasi Hills District. Kino kino kiba ïaleh pyrshah yn pynsaja katkum ki kyndon jong ka aiñ. Kane ka hukum kan treikam noh mardor tad haduh ynda pynbna da kumwei pat.
