Shillong, Nohprah 22: Sa tang 3 sngi ba ka pyrthei baroh kawei bad ka jylla Meghalaya kan sa rakhe ia ka sngi Christmas ki paidbah ha kane ka nongbah ha kine ki sngi ki la leit ban jngoh bad kumjuh ruh ban shondur ha kiba bun ki jaka bad kaba kham kongsan eh ha kane ka nongbah kadei ka jingpynkhreh kaba kyrpang hapoh Khyndai lad ha kaba ka la don ka jingpynphuh pynphieng ïa kane ka jaka da ki light.
Ka jingrakhe ïa ka Khristmas ka la jan poi bad ka jingpynkhreh ban pynphuh pynphing ïa ki lynti syngkien ha kylleng kane ka nongbah Shillong naduh ki bor sorkar haduh ki shnong bad ki dong kila pyndep lut.
Ka jingpynphuh ïa ka Khyndailad ka la ju long man la u snem bad ka jingpynïapher na kawei ka snem sha kawei pat bad mynta u snem ka la kham pher na kaba juh long man la u snem ka jingpynpur ïa ka light ka la kham itynnad.
Ki paidbah na kylleng kane ka nongbah Shillong ki la ïa tuid sha Khyndailad ban ïalam ïa ki khun ki kti ban peitkai, ha kajuh ka por ka dei ruh ka jaka kaba ki paidbah ki leit ban leit thied jaiñ thied nep ha kane ka por sngewbha.
Ki nongwan jngohkai pyrthei na kylleng sha kane ka jylla Meghalaya ki la pynpaw Ïa sngewphylla ban ïohi ba ka jinglehkmen khristmas ha kane ka jylla khamtam ha kane ka nongbah Shillong ka long kaba ishongkun bad kaba shongshit.
