Chokpot, Nailar 1 : U MDC ba rim ka Congress na Rongrikimgre u Willy D Shira ula pynïasoh sha ka TMC ha ka Sngi Saitjaiñ ha ka jingïadon lang u Lazarus Sangma bad kiwei ki nongïalam ha Chokpot.
Haba kren ha ka jingïalang u Willy ula ong ba u dap da ka jingkmen ban pynïasoh sha ka TMC khnang ba un dang ïoh ban ai ka jingshakri hok ïa ki paidbah haki sngi bad por ban wan.
Na ka liang u Lazarus u la ong “ Ngi sngewkmen haduh katta katta ban ïohi ïa ka jingkloi ki paidbah ban pdiang ïa ka TMC ha kane ka jylla ba kan ïoh ai ka jingshakri hok kum ka jingwan pynïasoh jong u Willy D Shira uba dei uwei na ki nongïalam uba ki paidbah ki ieit bad burom bha. U la wan pynïasoh ban ïoh pynurlong ïa ki mission jongka TMC namar tang kane ka party kaba lah ban wanrah ïa ka roi ka par ha ka jylla bad ka jingshaniah jong ki paidbah ha kane ka party kan paw ha u 2023 “.
