Jowai, Naitung, 28: Saw ngut ki samla rangbah ki la pynïasoh ïalade ban ïatreilang bad ka Pnar Student Movement (PSM) Central Body. Kine ki saw ngut ki long u samla Owan S Paswet, u samla Tosa Laloo, u samla Kularskhem Sariang bad u Bah Kyrmen Siangshai.
Ïa kane ka jingïalang pynrung dkhot la pynïaid da u General Secretary PSM Central Body Ba Leo. F. Suïam ha ryngkat ka jingpdiang burom ïa baroh kiba wan ha kane ka sngi.
Hadien kane la pynskhem ïa ki dkhot ba thymmai da u President Rangbah jong ka seng ba kin long ki dkhot bapura.
U President rangbah u la kyntu bad kitbok kitwiang ïa baroh ki dkhot jong ka seng ba ki dei ban long ki ba shlur bad ïatylli kum ka ïing ka sem na ka bynta ban trei ïa ka bha ka miat ka shong suk ka shong saiñ ha ka imlang ka sahlang jong ka rilum Jaiñtia baroh kawei.
