Shillong, Naitung, 23: Ka Seng Kur Warjri ka la nang ïai pynïar ïa ki sengshnat ha kylleng ka Ri Khasi ha ka ba la pynskhem ïa ka shnat ka ba laiphew-wei ha Siejiong, Mawkasiang. Ha ka jingïalang ka ba la long ha 17tarik Naitung, 2023, ki rangbahkur na ka Seng Kmie jong ka Seng Kur Warjri ki la pynskhem ïa ka Sengshnat Siejïong bad la jied ïa ki nongkitkam ban pyntyllun ïa ka kam kur. Kane ka jingpynïar ïa ki seng shnat ka long artat kum ka jingpynkhreh na ka bynta ka Rakhe Lyngkhuh Arphew-San Snem jong ka Seng Kur Warjri, naduh ba la seng ha u snem 1998. ki rangbahkur ba la ïa don lang ki long u Khliehrangbah, Bah George Warjri, Saiñpynïar, Bah Sunshine Warjri, ki Nongkynpham jong ka seng, Bah P Barkos O Warjri bad Bah Rudy Warjri bad kiwei kiwei ki para rangbah na ka Sengkmie.
Ki nongkitkam ba la jied na ka bynta ka sengshnat Siejiong ki long u Bah Donbor Warjri, Khliehrangbah, ki symbud khliehrangbah, Bah John Shemphang Warjri bad Kong Sharina Warjri, Bah Selius Warjri, Saiñpynïar, Bah Bapyndapbiang Warjri bad Kong Alferine Warjri, ki symbud saiñpynïar, Kong Barisha Warjri, Batsaipan, saiñpynïar pathai, Bah Filbert Warjri bad u rangbah Nongkynpham, Bah Hording Warjri. Kiwei pat ki riewdkhot nongkitkam jong ka seng shnat ki long u Bah Banteilang Warjri, Lamphrang Warjri, Wanbor Warjri, Ronald Warjri, Sngewhun Warjri, Wansngewbha Warjri, Kong Regina Warjri, Nangroibha Warjri, Bah Donald Kynsai Warjri bad Niris Warjri.
