Shillong, Naitung 2022: Ka HYC Riwar Mihngi Circle ha ka 7 tarik Naitung 2022 ka la ïoh ban leit pynskhem ïa ka shnat treikam kaba thymmai jong ka ka shnong Mawkajem bad ka bad ban pyntian smai ïa ki dkhot bathymmai.
Ïa kane ka jingpyntian smai ïa ki dkhot la pyndep da u Vice President ka HYC Central Body u Samla Donboklang Kharlyngdoh.
Haba ai jingkren sha ki dkhot thymmai ka HYC bad sha kiba ïa don lang ha kane ka sngi u Samla Donboklang u la kyntu ïa ki samla khamtam eh ïa ki dkhot ka seng bad ki shipai ka jaidbynriew ki dei ban long kiba len lade na bynta kino kino ki kam kiba ka jaidbynriew ka donkam khlem da wad ïa ka myntoi shimet. Shuh shuh u la ong ba ka kam kum ki shipai ka long ban buh nyngkong ïa ka jaidbynriew ha khmat bad ïa lade shadien.
Ha kane ka sngi la don la pynïaid ïa ka jingïalang da u samla Donalson pyngrope President ka Circle. Ha kane ka sngi la wan kitbok eh daw ïa ki dkhot thymmai ka seng da ki nongkit kam ka Central Body ryngkat ki nongïalam shnong bad ki riew rangbah jong ka shnong.
