Shillong, Naitung 19: Ka Tnat Consumer Affairs ka la bthah ïa ka NCCF bad NAFED ban die ïa ki sohsaw ha kador die khutia kaba 70 tyngka shi kilo naduh ka 20 tarik Naitung 2023 ha kaba ïadei bad ka jingkiew dor u sohsaw. Ki sohsaw ba la thied da ka NCCF bad NAFED ki dei kiba la die khutia, nyngkong ha ka dor T. 90 shi kilo bad hadien la pynduna sha ka T. 80 shi kilo naduh ka 16 tarik Naitung, 2023. Ka jingpynduna sha ka T. 70 shi kilo kan ïarap shuh shuh ïa ki paidbah nongthied.
Lah ban pynkynmaw ba halor ka jingbthah jong ka Tnat Consumer Affairs, ka NCCF bad NAFED ki la sdang ïa ka jingthied ïa ki sohsaw na ki mandi ha Andhra Pradesh, Karnataka
bad Maharashtra na ka bynta ban die ha ki jaka ba donkam ïa u sohsaw ha kaba ka jingkiew dor ka la long kaba heh tam ha une u bnai ba ladep. Ka jingdie khutia ïa ki sohsaw ha Delhi- NCR ka la sdang naduh ka 14 tarik Naitung, 2023. Haduh ka 18 tarik Naitung, 2023 kine ki
artylli ki kynhun ki la dep thied haduh 391 MT u sohsaw ïa kiba la pyllait sha ki jaka ba donkam ba don ha ki centre ha Delhi- NCR, Rajasthan, UP bad Bihar.
