Jowai, Lber 27: Ka Umjalasiaw SC kala long kum ka lahduh ha ka jingïalehkai phutbol phainal bala pynïaid da ka Khanduli Sport Committee, ba la pynlong ha kane ka sngi saitjaiñ.
Na ka liang ka kynhun Umjalasiaw SC kala lah ban pynliem syndon ïa ka Khonsaroo SC da 3-2 kol bad long syndon kum ka lahduh jong kane ka lympung mynta ka snem.
Ïa kane ka lympung la wan ban pynhap pyrda u MLA ka thaiñ ma Sniawbhalang Dhar, hashwa ka jingïalehkai la don ka jingïalang ba lyngkot ba la pynïaid ma B. B Bynnud, la ïoh ruh ka ka jingkren pdiang da u Waheh Shnong Khanduli u ma Yoshida Nongspung, kumjuh ka jingkren na u ma Hambertus Nongtdu CEM barim ka JHADC bad na kiwei de.
La wan ban pynshong shit shuh shuh ïa kane ka jingïalehkai phutbol da ki jingrwai, ki jingshad bad ka jingwan sakhi lang paibah nongshong shnong jong ka thaiñ Khanduli. Ka kynhuh kaba long kum ka lahduh jong kane ka lympung ka la ïoh rong ïa ka pisa ba 60 hajar tyngka bad ka kynhun ba wan ba ar kala ïoh rong 30 hajar tyngka.
