Nongpoh, Nailur 06: U Bah Mayral Born Syiem MLA ka Nongpoh mynta ka sngi u la pynhap pyrda noh ïaka phutbol bala pynlong da ki shipai bala shongthaid (Ex-Servicemen) bala pynlong ha madan heh ha Marngar.
Ka jingïakhun phainal ha katei ka sngi kala long hapdeng ka Purangang Marngar pyrshah ïaka Borngang Marngar ha kaba ka jingïalehkai kala long kaba ïakhaid bad itynnad bha, bad naduh bas dang ka kylla step haduh ba kut ka kylla miet kitei ki 2 kynhun kila ioh ban thep mar 2 kol bala pynlong ïaki bor pyniaid ban pynïashut da ka tie breaker bad dei haka jingïashut tie breaker ba ka Purangang kala lah ban pynliem noh ïaka Borngang ban rah ïaka nam lahduh jong katei ka lympung.
Haba kren ha katei ka sngi naka liang u Bah Mayral Born Syiem u la ai ka jingïaroh ïa kitei ki shipai kiba la shongthaid bad kumjuh ruh kiba dang trei kiba la pynlong ïa katei ka lympung naka bynta ban lum ban lang ïaki khun samla ha katei ka thaiñ kiba don sap haka jingïalehkai phutbol.
Naka liang ka kynhun ki Ex-Servicemen and Serving Personal kila sam ruh ïaki khusnam sha ka kynhun lahduh bad kumjuh ruh kaba rem kum ka jingai mynsiem ba kin dang kiew shaphrang haka kam ïalehkai phutbol.
