Shillong, Nailar 02 : U MLA ka Mylliem u ba long ruh u Myntri ka tnad C&RD jylla, Bah Hamlet Dohling u la wan ban sakhi kum u kongsan ha ka jingïalehkai final jong ka 1st Inter-Shnong Knockout Football Tournament ha madan Nongpiur. Ïa kane ka tournament la pynlong da ka Nongpiur Secondary School ha ryngkat ka jingïatreilang bad ka Nongpiur Sports Club na ka bynta ban pynmih pisa ïa ka Nongpiur Secondary School.
Ha ka jingïalehkai, ka Nongpiur Sports Club ka la ïoh bnarah ïa ka nam lahduh hadien ba ka la lah ban pynliem noh ïa ka Marbañiang Umseiniong da 1-0 kol ban khur ïa ka song pisa kaba 40hajar tyngka katba ka kynhun kaba wan ba ar pat ka khur ïa ka song pisa kaba 20 hajar tyngka.
UMyntri u la ai ruh 2 lak tyngka na ka bynta ka jingdonkam jong ka Nongpiur LP/UP School, 7 lak tyngka na bynta ban shna pynheh ïa ki kamra klas jong ka Nongpiur Secondary School lem bad 2.40 lakh tyngka na bynta ka tulop ïa ki nonghikai jong kane ka skul. Ha kane ka sngi u MLA u la ai ruh 10 lak tyngka na ka bynta ban shna thymmai ïa ka Community Hall jong ka shnong.
