Jowai, Nailar 03: Ka District Open Badminton Championship kaba 16th (Khat hynriew), ïa kaba la pynïaid da ka West Jaiñtia District Badminton Association (WJDBA), kala poi noh sha kaba kut mynta ka janmiet jong ka 01.08.2025 kaba la pynlong ha Seiñraij Indoor Hall Tpep-Pale, Jowai.
Kane ka lympung kaba la sdang naduh ka 28 tarik July kaba long san sngi lynter kala lah ban sei ïa kiba bun ki sap ki phong jong ki nongïashim bynta haka kyrdan bapher bapher bad kane kala ai mynsiem shi katdei eh ïaka Association.
Ïa kane ka lympung la wan ban pynhap pyrda da u Secretary Seiñ Raij Jowai ma Arwotki Sumer, kum u kongsan haka jingiadonlang u ma EMH Pasah, Salan Paswet, Jlan Rymbai kum ki Vice President WJDBA, ma J.M Pohsngap Ex President, ma Teddy Laloo Publicity Secretary WJDBA bad kiwei de ki dkhot ka WJDBA lem bad kiba la shah khot sngewbha.
Ka result ha ka jingiakhun phainal ki long ha ka kyrdan Under-15 Boys Doubles la ioh rah da u Dathrang Langstang bad u Skhembok Iakai da kaba pynliem ia u Deimonmi Manar bad Wailadmiki Pasah, Katba ha ka Under-19 Boy Single la ïoh rah da u Leminelson Suchiang uba la jop ïa u Aebhami Bareh.
Ha ka Open Women Doubles la ïoh rah da Dakani Toi bad Josefinadala Pasah da kaba pynliem ia Alvinia Kma bad ka Pretty Marry Manar. Katba ha ka Open Women Single pat ka Josefinadala Pasah ka ioh rah ia ka nam lahduh da kaba ka pynliem ia ka Nihaka Lamare.
Ha ka Mixed Doubles ka Josefinadala Pasah bad u Mebankerlang Chullai ki la jop ïa ka Wakani Toi bad u Hrisami Passah.
Ha ka Men’s Double u Hrisami Passah bad u Deilangwa-o Nongpluh ki la jop ia u Da u-ru Laloo bad u Ram Najiar. Ha ka under-15 Boy single pat u Dathrang-I Langstang u la pynliem ia u Wailadmiki S Pasah. Katba ha ka Men’s Single pat u Mebanker Chullai u la pynliem ïa u Deilang Wa-oo Nongpluh.
Na ka liang ka WJDBA ka pynpaw ka jingsngew nguh ba baroh kiba la ïadon bynta lang ha kane ka lympung mynta bad ai mynsiem ruh ïa ki nongialehkai kiba la jop ha kane ka lympung ba kin nangïaid shakhmat.
Ha kane ka janmiet ka WJDBA ka la pynlait paidbah ruh ia ki Ticket Lucky Draw jong ka da u kongsan u ma Arwotki Sumer.
