Shillong, Rymphang 16: Ka National People’s Party (NPP) ha ka sngi Nyngkong ka la pyllait ïa ka thup kyrteng kaba nyngkong jong ki kyrtong kiban aireng ha kane ka elekshon kaban sa long ha Garo Hills Autonomous District Council ha ki khyndiat bnai ban wan.
Ha kane ka thup, na ki 29 tylli ki constituency ka party ka la pyllait shwa tang 24 tylli ki kyrteng bad ïa ki san tylli kiba dang sah la buh thong ban sa pyllait ha kine ki khyndiat sngi ban wan.
Na ka liang u Nongai Ktien jong ka party, Marcuise N Marak haba kren bad ki lad pathai khubor u la ïathuh ba na kiba bun ki MDC, ka party ka la rai ban pynduh tiket noh ïa u Chied Executive Member (CEM) u Albinush R Marak na Siju constituency hadien ba ki la dep ban bishar bniah ha baroh ki liang.
Une u Nongïalam ka NPP u la ïathuh ruh ba ka rai ba ka NPP ka pynduh tiket ïa u CEM kadei hadien ki jingtip ba ki ïoh ban lum ba ka la don ka jingartatien ba un lah ban wanphai biang.
“Ka jingai tiket ïa ki kyrtong ka dei hadien ka jingbishar bniah ba ki don ka jingkyrmen ba kin jop,” u la ong da bynrap, “Tangba ngi la kyrpad ïa u ba un ai ka jingïatreilang ryngkat ryngkat bad ka rai jong ka party.”
Ka thup kyrteng jong ki kyrtong ki ban ïakhun haka ilekshon MDC sha GHADC ka kynthup na Siju constituency-Calis G Momin, Wagesik- Jewil S Marak, Gasuapara-Sengchim N Sangma, Barengapara-Kapilson A Sangma, Babelapara- Rakesh A Sangma, Amongpara- Balsrang Arengh, Tura- Charmingstar N Sangma, Dengnakpara- Kredithson Ch Marak, Nogorpara- Linekar K Sangma, Zikzak- Sanjay A Sangma, Betasing- Sanjay Koch, Rochonpara- Arbinstone B Marak, Asananag- Anseng A Sangma, Balachanda- Andresh Ch Marak, Batabari-Maxwell M Sangma, Shyamnagar- Peterjop A Sangma, Jengjal- Grahambell A Sangma, Rongrong- Sunny Rogers G Momin, Bolsong-Pongseng R Marak, Damas- Dolly K Sangma, Kharkutta- Mody M Sangma, Samandagre- Nihim D Shira, Darugre- Henen R Sangma bad na Williamnagar constituency ka party ka sei da u Sengbath R Marak.
Ki san tylli ki constituency kiba ka party kam pat lah ban shim rai bad pynbna ïa ki kyrtong ki kynthup ïa ka Raksamgre, Naguapara, Boldamgre, Silkigre bad na Rongrikkimgre constituency.
