Nongpoh, Jylliew 30: Ki thok kam shukor bad ki kam pynbiej paidbah kim pat kut haduh mynta watla naka liang ka tnad pulit kila ïaleh katba lah ban tem bad iohkem ïaki runar, bad mynta ki runar kila sdang ban pyndonkam sa ïaka kyrteng u Arpit Upadhyaya Deputy Commissioner ka Ri Bhoi ban pynbiej ïaki paidbah.
Kum ban shu pynpaw ba ki runar dang shen kila pyndonkam bakla ruh ïaka kyrteng ki Myntri sorkar jylla lyngba ki phone number ban thok ban shukor ïaki paidbah ban pynbiej ruh lyngba ki Whatsapp.
Naka liang ka tnad pulit kala maham ruh ïaki paidbah ba kim dei ban ngop ha kum kitei ki jingshah pynbiej bad lada don ki dei ban pyntip shaka tnad pulit ban ioh leh ïa kaba donkam.
