Shillong, Jylliew 02: Haduh 25 ngut ki Warder jong ka Tnad Home (Prison), hynne ka sngi Balang, kila pyndep ia ka jinghikai pyntbit ha ka basic course ba laibnai ba lah pynlong hapoh ka Training Centre ka 1st MLP Battalion ha Mawlai Mawiong.
Kine ki Warder ki dei jong ka Batch ba nyngkong eh ban ioh ia ka jinghikai pyntbit ba kynthup naduh ka foot drill, arms drill, jinghikai siat bad ki jingai jinghikai ha ki kamra klas naduh ki kam Ain, ki Ain pyniaid ia ki phatok, ka hok longbriew man briew bad kiwei kiwei.
Ia kine ki warder lah pynkup burom da u bah MH Kharkrang, IPS, uba dei u Inspector General of Prison ha ka jingiadon lang kiwei kiwei ki Heh pulit ka Jylla.
Haba ai jingkren, u Bah Kharkrang ula Ong ba ka dei ka khyllipmat kaba sngew sarong ia ka Tnad Prison ban sakhi ia ka batch ba nyngkong Jong ki Warder ba ki la pyndep ia ka jinghikai pyntbit.
Under u Heh Ophisar ula ban jur ruh ia kine ki Warder ba kin don ka jingkut jingmut bad jingai sha ka kam ba ki trei bad ruh ban pynkhreh ialade sha ka jing pynkylla thymmai ia ka rukom treikam ha ki phatok.
