Pyndep ka Seiñ Raij Mukhla ïa ka lehñiam kñia ïa ka Syiem Khlam bad u Blei Ram Shyllong

Jowai, Ïaïong 02: Ka Seiñ Raij Mukhla mynta ka sngi 01/04/2022 kala pyndep ïa ka jingkñia ainguh ïa ka Blai Syiem Khlam bad u Blai Ram Shyllong kiba dei ki Blei nongker nongda ïa ki khun ki hajar jong ka Seiù Raij Mukhla.
Ïa kane ka lehñiam la juh leh manla ka snem hashwa ban leit thung ïa synbai jhur, u mator, u phan, riewhadem bad kiwei de ki jait jhur, la ïathuh katba ym pat dep ïa kane ka lehñiam ki khon ka Sein Raij Mukhla kim pat lah ban leit thung leit tep.
Kane ka jinglehñiam ka dei kaba nyngkong jong une u snem bad na ka bynta kiwei pat ki lehñiam leh rukom hapoh une u snem yn pyndep hadein kane ka lehñiam Syiem Khlam bad u Blei Ram Shyllong.
La sdang ïa ka jingkñia ha ïung Blai ïung ka Bei Langdoh, hadien kane u Pa Langdoh ryngkat u Maji u Chutia, ki Waheh Sankur kila mih ban leit kñia sha duwan kñia ha khloblai ba la pyndep da u Maji Niam ka Sein Raij Mukhla na ka Kur Sari da kaba pyndonkam ban kñia da uwei u Syiar Ryngkoh bad ka Sniang.
Kane ka jingpyndep ïa ka leh ñiam ïa ka Siem Khlam bad u Blei Ram Shyllong ka long kum ka dak jong ka jingainguh ïa kitei ki Blei ba kin beh shi syndon ïa ka pang ka shitom khnang ba ki khun ka Seiñ Raij Mukhla kin ïoh da ka jingkoit jingkhiah, pynkut ka kyrwoh na u Waheh Sari u Standbyme Sari.