Pynbna u DC ka EJHD ïa ka jingpyndonakam ïa ki kyndon aiñ jong ka Environmental Protection Act 1986

Khliehriat Naitung 5: Ban tehlakam ïa ka jingpyndonkam ïa ki pla plastik, u Deputy Commissioner ka East Jaiñtia Hills District, mynta ka sngi u la pynbna ba yn pyntreikam noh ïa ki kyndon aiñ jong ka Environmental Protection Act 1986 bad ïa ka Plastic Waste Management (Amendment) Rule 2021.
Katkum ki kyndon ba la buh ha kitei ki aiñ ïada mariang, la ong ba ki jaka ba shna ïa ki plastik, lane kino kino ki plastik kiba wanrah na bar ki dei ban long tang 75 micron haduh 120 micron ka jingrben, kumjuh ruh, la mana ban pyndonkam ïa ki ear buds, ki ballon stick, ki jingbat icecream, ki jingpynitynnad kiba da ki platik.
Ki pela, ki pliang plastik, ki shamoit, ki proh, ki jingsong tiar, ki jingsop sikret, ki PVC baner ki dei ban long tang hapoh ka 100 micron ka jingrben.
Kum ka jingpyntip, ïa kane ka shithi jingpynbna la ai copy sha u Commissioner Secretary jong ka sorkar Meghalaya, sha ka tnat Forest and Environment Shillong, sha u Member Secretary Meghalaya State Pollution Control Board, Shillong, Superintendent of Police, East Jaintia Hills District, sha ki Magistrates East Jaintia Hills District, sha u Assistant Engineer Urban Affairs, East Jaiñtia Hills District, sha ka tnat District Public Relations Officer, East Jaiñtia Hills, sha u Executive Ofticer Khliehriat Town Committee, East Jaiñtia Hills bad sha ki nongkhaii (traders) jong ka East Jaiñtia Hills District.