Nongpoh, Rymphang 19: Naka bynta ka jingïaid beit ïaid ryntih jong ka jingthep vote sha ka Khasi Hills Autonomous District Council bad kumjuh ruh haka sngi thep vote ka sorkar jylla kala pynbna ïaka sngi tyrkhong kyiad haka 21 tarik mynta u bnai kaba dei ka sngi thep vote bad ka 24 tarik kaba dei ka sngi ñiew vote ha baroh kawei ka District Ri-Bhoi.
Namarkata naka liang u DC u la hukum ban khang lut ïa baroh ki IMFL Retail Shops, Bars haki Hotels, Bonded Warehouses, Bottling Units, Breweries, Distilleries, Country made Spirit shops, Outstills, Canteens bad kiwei kiwei kiba hap hapoh u pud u sam ka Ri Bhoi District bad ban tehlakam ïa kiba pynkheiñ aiñ yn pynlong ruh ki jingtalasi ba man ka por.
