Nongpoh, Nohprah 22: U Deputy Commissioner (Ex), ka Ri-Bhoi District katkum ka by Sec 324 (A) ka ME Act (Assam Excise Act and Rules as adapted by Meghalaya) u la pynbna ïaka sngi tyrkhong kyiad ha baroh kawei ka district haka 25 tarik mynta u bnai kaba dei ka sngi lehkhmen khristmas ban pdiang burom ïaka jingwan longbriew u khyllung Jisu sha kane ka sla pyrthei.
Kumta naka liang u DC kala hukum ban khang lut ïa baroh ki IMFL Retail Shops, Bars haki Hotels, Bonded Warehouses, Bottling Units, Breweries, Distilleries, Country made Spirit shops, Outstills, Canteens bad kiwei kiwei kiba hap hapoh u pud u sam ka Ri Bhoi District.
