Mawkyrwat, Nohprah 16, 2025: U Deputy Commissioner (Excise) jong ka South West Khasi Hills District, u bah B. Mawlong, IAS katkum ka kyndon aiñ 324 (A) jong ka M.E. Act (Assam Excise Rules as adopted) u la pynbna kum ka ‘Sngi Tyrkhong Kyiad’ ha baroh kawei ka South West Khasi Hills District ha ka 25 tarik u Nohprah, 2025 kaba dei ka sngi Rakhe ïa ka Khristmas bad ha ka 1 tarik u Kyllalyngkot, 2026 kaba dei ka sngi rakhe ïa u snem ba thymmai.Kumta, baroh ki dukan die kyiad ki ban kynthup ia ki IMFL shops/Bars/Hotels/C.A Bars/C.S. Shops/ki canteen bad ki dukan die madan kin khang khyrdep ha katei ka sngi.
Kino kino kiba ïaleh pyrshah ïa katei ka hukum kin hap hapoh ka jingpynshitom katkum ka Excise Rules & Acts.
