Jowai, Ïaïong 07: U District Magistrate ka West Jaiñtia Hills District u Abhinav Kumar Singh IAS mynta ka sngi 6 tarik ula pynmih ïa ka hukum hapoh ka kyndon 52 (1) jong ka Meghalaya Excise Act 1910 kaba bud lang ïa ka hukum jong ka sorkar No ERTS (E)10 2013 218, da kaba pynbna paidbah ïa ki sngi tyrkhong kiad ha ki jaka khappud ka District bad ka Assam.
La pyntip ba kitei ki sngi tyrkhong kiad ka sdang naduh ka por 5 baje janmiet jong ka 7 tarik u ïaïong haduh ka por 5 baje janmiet jong ka 9 tarik u ïaïong, 2026, shi bynta na ka General Election jong ka Assam Legislative Assembly 2026.
Kane ka hukum bala pynbna kan treikam ha ka ban khynra ïa kino kino kiba thmu ban khaïi kiad beaiñ ha kitei ki jaka khappud kynthup ruh ha ka sngi lada don ka jingïathep vote biang (re-poll), la bthah ïa baroh ki dukan die kiad naduh ki bar, ki canteen bad kiwei de kiba don ha khappud kin hap khang khyrdep ha kitei ki sngi ba la kdew.
