Nongpoh, Nailar, 12: Kum shibynta ban rakhe ïa ka sngi laitluid jong ka Ri India hapdeng ka jingsuk jingkmen, u Deputy Commissioner ka Ri-Bhoi District katkum ka Sec 324 (A) of ME Act (Assam Excise Act & Rules as adapted by Mega laya) u la pynbna ïa ka sngi tyrkhong kiad ha baroh kawei ka district ha ka sngi rakhe laitluid ka ri India.
U DC u la hukum ban khang lut ïa baroh ki IMFL Retail Shops, Bars ha ki Hotels, Bonded Warehouses, Bottling Units, Breweries, Distilleries, Country made Spirit shops, Outstills, Canteens bad kiwei kiwei kiba hap hapoh u pud u sam ka Ri Bhoi District ha ka 15 tarik Nailar 2025.
