Pynbna ka Toyota Kirloskar Motor ïa ka dor jong ka iconic Hilux bad kata ka long 33,99,000/-

Shillong: Ka Toyota Kirloskar Motor (TKM), mynta ka sngi ka la pynbnaia ka dor jong ka kali jong ka Iconic Hilux ba kan long beit kawei ka dor ha baroh kawei ka ri ne ‘One Nation One Price’ bad ka dor jong ka, ka long Rs. 33,99,000/- (ka dor na ki jaka die kali na ka bynta ka 4*4 MT Standard). La pynmih paidbah mynta u snem, ka jingthmu jong ka jingpynmih ia kane ka kali ka long ban pynurlong ia ka jingkwah jong ki nongthied kiba kwah ban don ia ki kali kiba itynnad kaba long ruh ban iaid ha ki lynti khohruh khohram, bad balah ban pyndonkam ha ki jingleit ba man la ka sngi.
Haba kren shaphang ka jingpyllait ia kane ka dor jong ka Toyota Hilux, u Tadashi Asazuma, Executive Vice President jong ka Toyota Kirloskar Motor, u ong, “Mynta ka sngi, ngi sngewkmen haduh katta katta ban pynbna ia ka dor jong ka Hilux. Naduh ba la pynmih ia ka, ka kali Hilux kaba long ka kali kaba biang nadong shadong ka la la ioh ia ka jingiaroh na ki nongthied bad ka jingpynsngew jong ki briew ha kaba iadei bad kane ka long kaba biang. Da kaba buh “nyngkong shwa ia ki nongthied’ da kaba ioh ia mynsiem na ka jingkwah jong ki briew, ka jingwanrah jongngi ia kane ka kali Hilux kadei kum u mawjam ba ngin lah ban wanrah ia ka jingkmen sha ki briew ba bun. Ngi sngewnguh ruh ia ki nongthied kiba ai ka jingshaniah ha ngi.
Ka Toyota Hilux ka dei ka kali kaba la shna ha ka rukom ba bha tam kaba ia ryngkat ka jingbha bad kiwei ki kali ba bha ka pyrthei, kane ka kali ka long ruh kaba shngain, kaba aram, bad baroh kine kiei kiei ki long kiban nang pynlong shuh shuh ia ka kali ban long ka kali kaba biang tam ban pyndonkam khamtam na ka bynta kito kiba pyndonkam ia ka kali ban leitkai sha ki jaka kiba kham eh ban niah, bad kaban pynsahkynmaw ia ka jingeh jong ki bad ki bahaiing hasem bad kumjuh ruh bad ki paralok.”u la bynrap.
Ka jingdie ia kine ki kali ha ka pyrthei ka la tam ia ka 20 million tylli kaba jop shisha ia ka mynsiem jong ki million ngut ki briew na ki 180 tylli ki ri. Ha kine ki 50 snem bad phra sien ka jingpynmih ia kane ka kali, ka Toyota Hilux ka la wanrah shisha ka jingniah kaba bha tam bad kane hi ka la pynlong ia kito ki briew kiba pyndonkam ia kane ka kali ba kin iaineh beit bad ki niah ia kane ka kali na ka bynta ki jingleit ba man la ka sngi, wat lada ki don pyndonkam na ka bynta ban leit sha ki kam ki jam ne ban leit kai bad ki bahaiing hasem.
Ka jingpawnam jong ka Hilux ha ka pyrthei ka long ba ka dei ka kali kaba khlain ha ka bor treikam bad kane ka long namar ka rukom shna ia kane ka kali ka long katkum ka Innovative Multi-purpose Vehicle (IMV) bad ka jingdon ia ki engine kaba khlain kata haduh saw tylli ki Cylinder Turbo-Diesel Engine ba 2.8 L bad ka don ruh ia ka 6- Speed Automatic lane 6-Speed Manual Transmission.
Nalor ka jingdon ia shibun ki bynta trai kam bad ka engine kaba khlain, ka Hilux ka long ruh ka kali kaba skhem bha, kaba duna ka jinglut bad kaba biang ban pyndonkam na ka bynta bun jait ki jingdonkam.Shuh shuh ka jinglah jong ka Hilux’s ban iaid jong ka kali ha ka um kaba long 700mm ka pynlong ia ka ka kali kaba biang ban iaid ha ki lynti iaid ha India, bad kababiang ban iaid ha ki lynti khohruh khohram.
Shuh shuh khnang ban wanrah ia ka jingpynsuk ba ioh lyngba ka digital, ki nongthied ki lah ban peit ia ka jaka buh kali lyngba virtual showroom jong ka Toyota Hilux na ki iing ki sem jong ki, kaba long shisha kum ka dak ban pynpaw ia ki rukom treikam jongngi bad kata ka long ‘We Are Where You Are” ne “Ngi don hangta ba phi don”. Mynta ki nongthied ki lah ban peit ia kine ki kali baroh sawdong ia ka bynta ba nabar bad shapoh ne 360-degree, phi lah ban peit ia ki rongjong ka kali, phi lah ruh ban iohi ia ki rukom treikam bad phi lah ban ianujor kawei ka kali bad kawei pat.