Shillong, Nohprah 10: Ka Meghalaya Cricket Association ka la pynbna ïa ka thup kyrteng jong ki 15 ngut ki nongïalehkai ryngkat bad ki ba la pynap lypa (standby) ki ban ïa shim bynta ha ka lympung kriket One Day, ka Vijay Hazare Trophy 2025-26 na ka bynta ki shynrang kiba la rangbah.
Ka kynhun Meghalaya ka don ha ka plate group ryngkat bad ka jylla Manipur, Nagaland, Arunachal Pradesh, Bihar bad Mizoram. Ka jingïalehkai ba nyngkong jong ka Meghalaya kan long pyrshah ïa ka Mizoram ha ka 24 tarik u Nohprah. Baroh ki jingïalehkai jong kane ka plate group kin long ha Ranchi.
U Dippu Sangma un ïalam ïa ka kynhun kum u kapten katba u Ram Gurung kum u symbud kapten.
Ka prokram kilanmet ban pynkhreh ïa kane ka lympung kan sdang ha ka 12 tarik u Nohprah bad yn pynkut ha ka 20 tarik u Nohprah ha Jagiroad, Assam. Kumta la kyrpad ïa ki nongïalehkai bad ki support staff na Shillong ba ki dei ban wanmih sha madan Polo, Shillong ha ka 11 tarik u Nohprah ha ka por 1:30 baje nohphai sngi na ka bynta ban leit sha Jagiroad, katba ki nongïalehkai bad ki support staff na Garo Hills ki dei ban leit beit beit sha Guwahati ISBT ha ka 11 tarik u Nohprah 2025 ha ka por 2:00 baje nohphai sngi bad hadien kata yn sa pynkit noh ïa ki sha Jagiroad. Kane ka kynhun kan hiar sha Ranchi ha ka 21 tarik u Nohprah na Jagiroad.
Ki kyrteng jong ki nongïalehkai ka Meghalaya ki long: Kishan Lyngdoh, Arpit Bhatewara, Jaskirat Singh Sachdeva, Swastic Chettri, Kush Agarwal, Akash K Choudhary, Ram Gurung (VC), Dippu Sangma (C), Lerry G Sangma, Abhishek Kumar, Aryan Borah, Swarajeet Das, Anish Charak, Arien Bonchang Sangma, Riboklang Hynniewta
Stanby: Arbin Singh, Rohit Shah, Chengkam Sangma, Bamanbha Shangpliang, Abhishek Gupta.
Support staff: Moisten Ch Marak (Head Coach), Pyntngen Mark A Swer (Assistant Coach), Surojit Biswas (Physio), Vikash Singh Chauhan (Trainer), Banteibor Lyngdoh (Manager).
