Shillong, Nohprah 08 : Ka Selection Committe jong ka Meghalaya Cricket Association ka la jied ïa ki 15 ngut ki rangïalehkai kiban ïalehkai ha ka lympung Ranji Trophy.
La pynbna ruh ïa hynriew ngut ki rangïaleh-kai pynap da ka MCA.
Ka Meghalaya kan ïakhun nyngkong pyrshah ïa ka Mizoram ha Nadiad, Gujarat, naduh ka 13 tarik Nohprah.
U Punit Singh Bisht (Guest professional) un ïalam ïa ka kynhun kum u kapten katba u Dippu Ch Sangma un long kum u vice captain.
Ka jingkilan met pynkhreh na bynta katei ka lympung ka la sdang ha ka Mangaldai, Assam, ha ka 5 Nohprah bad kin mih na la ka jong ka jylla ha ka 10 tarik Nohprah. Tang ki 15 ngut ki rangïalehkai kiba la shah jied kin ïoh ban leit mihkhmat ïa ka Jylla sha Gujarat, katba ki rangïalehkai pynap kin hap ban wanphai noh sha la ka jong ka jylla.
Ki rangïalehkai ka Meghalaya ki kynthup u Kishan Lyngdoh, Bamanbha Shangpliang, Sylvester Mylliempdah, Dippu Ch Sangma (V-C), Lerry Sangma, Tarique Anwar Siddique, Raj Biswa, Abhishek Kumar, Akash Kumar Choudhary, Arbin Singh, Md Nafees Siddique, Lakhan Singh, Swarajeet Das, Punit Bisht (C), Rajesh Bishnoi
Ki rangïalehkai pynap ki kynthup u Manish K Rai, Junjun Sangma, Shaisngi Lyngdoh, Rohit Shah, Pringsang Sangma, Sanvert B Kurkalang
Ki support staff, u Dheeraj Jadhav (head coach), Moisten Ch Marak (assistant coach), Himmat Singh (trainer), Surojit Biswas (physio), Raju D Sangma (manager). Ka Meghalaya kan ïakhun ïa ka Mizoram ha ka 10 tarik Nohprah, Sikkim 20 Nohprah ha nongbah Shillong, Bihar 27 tarik Nohprah (Shillong), ïa ka Arunachal Pradesh ha ka 3 tarik Kyllalyngkot ha Anand bad khatduh ïa ka Manipur ha ka 10 tarik Kyllalyngkot ha nongbah Shillong.
