Shillong, Nailar 26 : Ka Meghalaya Cricket Association ka la pynbna ïa ka thung kyrteng jong ki nongïalehkai katkum ka jingbthah jong ka Junior Women’s Selection Committee, jong ki 25 ngut ki nongïalehkai kiban aireng ha ka lympung ïalehkai U-19 ki kynthei ban mihkhmat ïa ka jylla ha ki lympung ïalehkai jong ka BCCI ha kane ka samoi ïalehkai jong u 2025-2026.
Na ka liang ka kynhun ki nongjied jong ka Meghalaya Cricket Association ka la jied ïa ki nongïalehkai da kaba peit ïa ka jinglah jong ki ban ïalehkai bha ha ki prokram kilan met bad ki jingïakhun kiba la dep bad kumjuh ruh na ka jinglah jong ki ban ïalehkai bha ha ki prokram ïalehkai jong ka BCCI kaba dei jong ka samoi 2024-25 bad kumjuh ha ka samoi 2023-24.
Ka jingjied ïa ki nongïalehkai ha ka kylla kaba ar kan long pat ha ka 15 tarik bad 19tarik Nailur ha Nongkhrah, Nongpoh kaba ha Ri Bhoi District kaban bud pat da ka jingïakhun kilan met.
Na ka liang ka kynhun ïalehkai U-19 jong ki kynthei ka jylla kan leit ban aireng ha ka lympung U-19 jong ka BCCI Women’s T20 Trophy kaban long naduh ka 26tarik Risaw bad U-19 Women’s One Day Trophy kaban long naduh ka 13tarik Risaw.
Ki thei ïalehkai kiba shah jied na ka bynta kane ka lympung ki kynthup ïa ka Monica Singh, Cheanchi Kambesa Sangma, Chigesanora Marak, Jayshree Singh, Marme M Sangma, Adalyne F Lyngkhoi, Namesha A Marak, Beneros D Shira, Adelakmen Lawai, Joanna Pyngrope, Banchila Marak, Yoolang Suting, Eliza Lyngdoh, Dawanshisha Warlarpih, Rosabel Lyngkhoi, Isha Ray, Jennifer Fancon, Ronjoli Basumatary, Rafinia Ryntathiang, Steffinie Sohshang, Fennysha Nongrum, Shreya Marak, Julitha Marak, Dejianna M Sangma bad ka Mendy Adrena Mawlong.
