Shillong, Rymphang 20: Ka komiti jied ïa ka kynhun ki thei ïalehkai ba la rangbah (Senior Women’s Selection Committee) jong ka Meghalaya Cricket Association hynne ka sngi Thohdieng (20 tarik Rymphang) ka la pynbna ïa ka thup kyrteng kaba don 15 ngut ki nongïalehkai ban ïakhun ïa ki jingïalehkai plate group jong ka BCCI’s U-23 Women’s One Day Trophy 2025-26, kaban long ha u bnai ban wan.
ïa kane ka kynhun yn long kapten da ka Monica L Phawa, ha kaba ka Suriti Kumari Ray kan shimti ïa ka kyrdan symbud kapten. Baroh arngut ki dei ki nongïalehkai ba la shemphang bha bad kiba la dep ban mihkhmat ruh ïa ka kynhun ba la rangbah jong ka Meghalaya.
Baroh ki jingïalehkai jong ka Meghalaya kin long ha Chandigarh. Ka Meghalaya kan aireng nyngkong ïa ka Sikkim ha ka 03 tarik u Lber. Kiwei pat ki kynhun ha ka plate group ki long ka Mizoram, Nagaland, Arunachal Pradesh bad ka Manipur.
Ka jingpynkhreh ïa kane ka lympung kan long naduh ka 23 haduh ka 27 tarik u Rymphang ha madan kriket jong ka MCA ha Polo, Shillong. Kumta ki nongïalehkai bad ki support staff na shabar jong ka nongbah Shillong (kynthup ïa ki nongïalehkai ba la pynap lypa ne ki standby) ki dei ban wanmih sha nongbah Shillong ha ka janmiet jong ka 22 tarik u Rymphang. Ka kynhun kan mih na Shillong ban leit sha Chandigarh ha ka 28 tarik u Rymphang.
Ka thup kyrteng jong ka kynhun Meghalaya: Monica L Phawa (C), Suriti Kumari Ray (VC), Ankita Sharma, Indariakor Kharwanniang, Mansi Anand, Monica Singh, Saradafica Kharbani, Fennysha Nongrum, Ritreki Pohshna, Cheanchi K Sangma, Janika Marak, Abiezer K Syiem, Chandni K Sahani, Blaridahun Dkhar, Iaphilaribha Diengdoh
Standby: Neelam Roy, Yoolang Suting, Fullnessy Mawlong, Rikmanchi M Sangma, Ronjoli Basumatary
Support staff: Hemant Roy (head coach), Ashish Dasgupta (assistant coach), Sushma Thapa (physio), Apurva D Nandkarni (trainer), Baiahunlang Mylliemngap (manager)
