Pynbna ka MCA ïa ka kynhun U-16 ka jylla ban leit aireng sha ka lympung ïalehkai Vijay Merchant

Shillong, Naiwieng 25 : Ka kynhun jied nongïalehkai na ka bynta ki khynnah ba hapoh 16 snem jong ka Meghalaya Cricket Association, katkum ki kyndon ba la pruid dak da ka Board of Control for Cricket in India, ka la lah ban sei madan ïa ka kynhun ïalehkai ba 15 ngut, kiban khreh na ka bynta ban mihkhmat ïa ka jylla sha ka Vijay Merchant Trophy, kaba dei na ka bynta ka samoi ïalehkai 2025-26, kaban long naduh ka 07 tarik u bnai Nohprah mynta u snem ha Gujarat.
Ha kane ka kynti, ka MCA ka la ïoh pdiang ruh ïa ki artylli ki prokram ïalehkai ha kaba ka jingïalehkai ba nyngkong kan dei pyrshah ïa ka Sikkim kaban long naduh ka 07-09 tarik Nohprah. Katba ka jingïakhun kaba ar kan dei pyrshah ïa ka Jammu & Kashmir, kaban sdang naduh ka 12-14 Nohprah.
Ka jingpynkhreh ïa kane ka kynhun kan sdang naduh ka 27 tarik mynta u bnai haduh ka 03 tarik u Nohprah u ban wan ha madan ïalehkai ka RBDCA, Pahamsning, Nongkhrah.
Kyrteng ki nongïalehkai : Arav Baraily , Doankam Ch Marak , Naitik Singhania , Suraj Chettri , Gautam Paul, Krishiv Choudhary , Ishan Saha, Rooney L Nonglait , Aniket Poddar, Manbhalang Marshillong , Daniel Maring, Pynskhemlang Nongsiej, Raian N Marak , Abhijit Chanda , Anish Kedia
Nongialehkai pynap (Standby) : Pynshngainlang Marwein , Prantik Ghosh , Aryaveer Prasad, Pynkhraw Jomati, Samelawan Nongkseh
Support Staff : Sengam G Momin- Head Coach N Shanker Newar- Asst. Coach , Karma A Sangma- Phyiso ,Gregory Sohtun- Trainer, Wallambok Marngar- Manager.