Shillong, Oct 22: Ka Meghalaya Cricket Association (MCA) hynne ka sngi Balang ka la pynbna ïa ka kynhun ïalehkai kriket ki shynrang ba hapoh 19 snem jong ka na ka bynta ki ar tylli ki jingïalehkai ba nyngkong jong ka lympung U-19 men’s Cooch Behar Trophy 2025-26.
Ka komiti jied jong kane ka kynhun (junior men’s selection committee) ka la jied ïa 15 ngut ki nongïalehkai bad san ngut kiba la pynap lypa (standby) na ka bynta kane ka lympung ïalehkai kaba bun sngi (multi-day tournament).
ïa kane ka kynhun la pynshong nongrim da kajuh ka kynhun kaba la ïashim bynta ha ka lympung ïalehkai jong ka U-19 men’s Vinoo Mankad Trophy kaba dang shu kut shen, ha kaba ka Meghalaya ka la jop lai tylli ki jingïakhun.
ïa ka kynhun yn ïalam da u Angkit Tamang kum u kapten, ha kaba u Gaurav Narleng kum u synbud kapten.
Ka prokram kilanemt ban pynkhreh ïa ka lympung kan sdang naduh 04 haduh ka 12 tarik Naiwieng ha Jagiroad, Assam. Ka jingïalehkai ba nyngkong jong ka Meghalaya kan long pyrshah ïa ka Sikkim ha Shillong naduh ka 16 tarik Naiwieng. Nangta ka Meghalaya kan leit sha Anand, Gujarat na ka bynta ka jingïalehkai kaba ar pyrshah ïa ka Manipur kaban sdang naduh ka 23 Naiwieng.
Ka thup kyrteng jong ka kynhun Meghalaya ki long: Angkit Tamang (C), Apandanka R Marak, Ashish Kumar Lohar, Benedict J Makdoh, Bishesh Chettry, Dipayan Nandi, Gaurav Jyoti Thakuria, Gaurav Narleng (VC), Grish Raj Ray, Heiyoomiki Ryngkhlem, Mewankitbok Kharpuri, Namewanki Pakyntein, Paisal Ali, Rudra Singh Rathore, Sameer Choudhary.
Standbys: Jarrett M Wanniang, Mannan Surana, Aristo Marak, Dameshwa Khongsngi, Namgrik K Sangma
Support staff: Synrapsing Riahtam (Head Coach), Claystone C Marak (Assistant Coach), Hamboy Langbang (Physio), Santosh Ram (Trainer), Aaron G Diengdoh (Manager).
