Shillong, Kyllalyngkot 19: Ka Senior Women’s Selection Committee jong ka Meghalaya Cricket Association ka la pynbna ïa ka kynhun kaba don 15-ngut ki nongïalehkai ki ban mihkhmat ïa ka jylla sha ki jingïalehkai plate group ha ka lympung BCCI’s Senior Women One Day Trophy 2025-26, ka ban long ha u bnai ban wan.
La bynshet ïa ka kyrdan kapten sha ka Debasmita Dutta ka ban ïalam ïa ka kynhun, ryngkat ka jingkyrshan jong ka Monica Lyngdoh Phawa kaba la shah jied kum ka symbud kapten.
Baroh ki jingïalehkai jong ka Meghalaya kin long ha Bhubaneswar bad Cuttack. Ka Meghalaya kan ïalehkai nyngkong pyrshah ïa ka Sikkim ha ka 06 tarik Rymphang. Kiwei pat ki kynhun kiba don ha kajuh ka plate group ryngkat ka Meghalaya ki long ka Bihar, Manipur, Mizoram bad ka Nagaland.
Ka prokram kilanmet ban pynkhreh na ka bynta ka lympung kan sdang ha ka 25 tarik mynta u Kyllalyngkot bad kan bteng haduh ka 02 tarik Rymphang ha RBDCA Cricket Ground kaba don ha Pahamsning, Nongkhrah, Ri-Bhoi.
Kumta ki nongïalehkai bad ki nongïarap jong ka kynhun (support staff) kiba na Khasi-Jaintia Hills kin hap ban wan mih ha Polo Ground ha ka 24 tarik Kyllalyngkot ha ka por 2:30 baje nohphai sngi ban leit ryngkat sha Nongkhrah, katba ki nongïalehkai na Garo Hills kin hap ban leit beit beit sha katei ka jaka. Ka kynhun kan mih beit na Nongkhrah ban leit sha Odisha ha ka 03 tarik u Rymphang.
Ka thup kyrteng ki nongïalehkai ka Meghalaya ha kane ka Senior Women’s One Day Trophy 2025-26 ki long:
Debasmita Dutta (C), Suriti Kumari Ray, Monica Lyngdoh Phawa (VC, WK), Ankita Sharma, Riticia Nongbet, Ruby Chettri, Solina Jaba, Luiza Tamang, Ritreki Pohshna, Ajima Sangma, Daiaka E Warjri, Janika Marak (WK), Sara D Kharbani, Cheanchi A Sangma, Monica Singh
Standbys: Indariakor Kharwanniang, Mansi Anand, Rebeldalis Syiemlieh, Dubleen D Nengnong, Fennysha Nongrum
Support staff: Mackie D Blah (head coach), Eugene K Kharsyntiew (assistant coach), Mary Balahun Sawkmie (physio), Darishesha Mawroh (trainer), Robert Z Ralte (manager)
