Shillong, Naitung 28: Ka komiti jied ïa ka kynhun ïalehkai kriket ki kynthei ba la kham rangbah jong ka Meghalaya Cricket Association [MCA] ka la pynmih ïa ka thup kyrteng jong ki 25 ngut ki nongïalehkai ki ban mihkhmat ïa ka jylla ha ki lympung ïalehkai jong ka BCCI na ka bynta ka samoi 2025-26.
Ki nongjied ïa ki nongïalehkai jong ka Meghalaya Cricket Association ki la jied ïa ki nongïalehkai da kaba pynshong nongrim ïa ka jinglah jong ki player ban ïalehkai bha ha ka Selection Trial ba la pynlong dang shen bad kumjuh ruh da kaba bishar bñiah ïa ki jingkheiñ ba kine ki nongïalehkai ki la noh synñiang ha ka samoi ïalehkai 2024-25 bad 2023-24.
ïa ka thup jong ki 25 ngut yn sa pynrit shuh shuh lyngba ka prokram pyrshang jied bad jingpynkhreh kaba khatduh ha kaba sdang jong u bnai Nailur. Hapdeng kane ka por ba lait ka MCA ka la ai jingmut ïa ki 25 ngut ki nongïalehkai kiba la paw kyrteng ban bteng ka jingkilanmet bad pyntbit hi dalade.
Ka samoi ïalehkai kriket jong ki kynthei kan sdang da ka Senior Women’s T20 Trophy naduh ka 08 tarik Risaw, bud sa ka Senior Women’s One Day Trophy naduh ka 06 tarik Rymphang.
Ki nongïalehkai kiba la paw kyrteng ha kane ka thup ki long:
Luiza Tamang, Daiaka E Warjri, Suruti Kumari Ray, Ankita Sharma, Indariakor Kharwanniang, Debasmita Dutta, Neha Hajong, Ruby Chettri, Solina Jaba, Mansi Anand, Ajima A Sangma, Deiphibapynshngain L Mawnai, Sandria K Momin, Monica L Phawa, Riticia Nongbet, Monycable Marbaniang, Sildamicresha Marbaniang, Rebeldalis Syiemlieh, Blaridahun Dkhar, Sistilin Ryntathiang, Dianchidora Sangma, Janika Marak, Pilika Marak, Ritreki Pohshna, Dubleen Nengnong
