Pynbna ka MCA ïa ka kynhun ki thei ïalehkai na ka bynta ka U-19 Women’s T20 Trophy jong ka BCCI

Shillong, Nailur 26: Ka Meghalaya Cricket Association ha ka sngi Thohdieng (26 tarik Nailur, 2025) ka la pynbna ïa ka thup kyrteng jong ki 15-ngut ki thei ïalehkai ki ban mihkhmat ïa ka jylla ha ka jingïakhun ïa ka plate group jong ka BCCI U-19 Women’s T20 Trophy, ka ban sa long ha Lucknow naduh u bnai ban wan.
Kane ka lympung kan sdang ha ka 26 tarik u Risaw. Kumjuh ruh ha ka plate group ki don kiwei pat ki jylla kiba dang kiew ha ka jingïalehkai kriket jong ka thain shatei lammihngi -: Mizoram, Nagaland, Sikkim, Arunachal Pradesh bad Manipur. Ki ar kynhun kiba wan hakhmat duh na ka group stage kin ïakhun ïa ka final.
ïa ka Meghalaya yn long kapten da ka Jayshree Singh, katba ka Fennysha Nongrum kan kyrshan ïa ka kum ka symbud kapten. Ka Junior Women’s Selection Committee. ka la ïoh ruh ban jied san ngut ki nongïalehkai (standby) ba la pynap lypa lada jia ba don ba mynsaw.
Ka prokram pynkhreh jong ka Meghalaya na ka bynta kane ka lympung kan long naduh ka 09 haduh ka 22 tarik Risaw ha Nongkhrah, Nongpoh. Ki nongïalehkai bad ki support staff kiba na Khasi-Jaintia Hills kin ïakynduh lang ha Shillong ha ka 08 tarik u Risaw ha ka por 2 baje nohphai sngi bad kin hiar lang ban leit sha Nongpoh, katba ki nongïalehkai na Garo Hills kin ïaid beit beit bad wan report ha Nongpoh ha ka 08 tarik u Risaw. Nangta ka kynhun kan leit sha Lucknow ha ka 23 tarik Risaw.
Ka thup kyrteng ki thei ïalehkai ka Meghalaya ki long: Monica Singh, Eliza Lyngdoh, Ronjoli Basumatary, Fennysha Nongrum (VC), Jayshree Singh (C), Cheanchi Kambesa Sangma, Rosabel Lyngkhoi, Jennifer Fancon, Isha Ray, Rafinia Ryntathiang, Beneros D Shira, Chigesanora Marak, Banchila R Marak, Namesha A Marak, Julitha Sangma.
Standby: Joanna Pyngrope, Dejianna M Sangma, Steffinie Sohshang, Shreya Marak, Yoolang Suting.
Support staff: Bhakupar Mylliemngap (Head Coach), Overjoy Lyngkhoi (Assistant Coach), Lucky Mary Marbaniang (Phyiso), Helyna D Sangma (Trainer), Obed Sangma (Manager).