Shillong, Nohprah 03: Ka Junior Women’s Selection Committee jong ka Meghalaya Cricket Association ka la jied ïa 15 ngut ki nongïalehkai bad san ngut ki nongïalehkai ba la pynap lypa (standby) na ka bynta ki jingïalehkai plate group ha ka BCCI U-19 Women’s One Day Trophy 2025-26.
Kane ka lympung kan sdang naduh ka 13 tarik Nohprah ha kaba ka kynhun ki thei ïalehkai jong ka Meghalaya kan aireng nyngkong pyrshah ïa ka Tripura. Baroh ki jingïalehkai plate group kin long ha Nagpur. Kiwei pat ki kynhun kiba don ha ka Group ki long ka Arunachal Pradesh, Manipur, Mizoram bad Sikkim.
ka Fennysha Nongrum kan long kapten ïa ka kynhun, katba ka Cheanchi Kambesa Sangma kan long ka symbud kapten. ïa kane ka kynhun ïalehkai ka Meghalaya yn ïalam da u Bhakupar Mylliemngap kum u coach.
Ka prokram pynkhreh kan long naduh ka 05 haduh ka 09 tarik u Nohprah ha madan RBDCA ha Pahamsning, Nongkhrah. Ki nongïalehkai, kynthup ïa ki nongïalehkai standby, na Khasi-Jaiñtia Hills ki dei ban leit sha madan Polo, Shillong, ha ka 04 tarik Nohprah ha ka por 2 baje nohphai sngi ban leit sha Nongpoh. Kiba dei na Garo Hills ki dei ban leit beit beit sha Nongpoh ha kajuh ka sngi. Ka kynhun ïalehkai jong ka jylla kan hiar ban leit sha Nagpur na Nongpoh ha ka 10 tarik u Nohprah.
Ka thup kyrteng jong ka kynhun Meghalaya: Monica Singh, Ronjoli Basumatary, Fennysha Nongrum (C), Jayshree Singh, Cheanchi Kambesa Sangma (VC), Banchila R Marak, Beneros D Shira, Shreya Marak, Dejianna M Sangma, Joanna Pyngrope, Steffinie Sohshang, Yoolang Suting, Jennifre Fancon, Chigesanora Marak, Eliza Lyngdoh
Stanbys: Isha Ray, Julitha Sangma, Rosabel L Lyngkhoi, Namesha A Marak, Rafinia Ryntathiang
Support staff: Bhakupar Mylliemngap (head coach), Overjoy Lyngkhoi (assistant coach), Lucky Mary Marbaniang (physio), Helyna D Sangma (trainer), Phibakordor Diengdoh (manager)
