Shillong, Risaw 24 (PIB): Ka Indian Panorama, ka bynta ba kyrpang jong ka International Film Festival of India (IFFI), mynta ka sngi ka la pynbna ia ka jingjied ia 25 tylli ki feature film bad 20 tylli ki non feature film. Ia ki phlim ba shah jied yn pyni ha ka 53rd IFFI ban sdang naduh ka 20-28 tarik Naiwieng, 2022 ha Goa.
Ka jing thmu jong ka Indian Panorama, kaba pynlong da ka National Film Development Corporation, Tnat Information and Broadcasting, Sorkar India, kalong ban jied ia ki feature film bad ia ki non feature film jong ka cinematic, thematic bad aesthetic excellence katkum ki kyndon bad ki rukom ba la kdew ha ki kyndon jong ka Indian Panorama.
Ka jingjied jong ka Indian Panorama kalong lyngba ki riewpawkhmat na ki kam ba iadei bad ka cinema na kylleng ka ri ba kynthup khatar ngut ki dkhot na ka bynta ki feature film bad hynriew ngut ki dkhot na ka bynta ki non feature film ba ialam da ki chairperson bapher bapher. Ha ka jingpyntreikam ia ki jingshemphang jong ki, ka kynhun jong ki nongbishar ka ai ka jingmynjur ba ialam sha ka jingjied ia ki Indian Panorama film ha ki kyrdan bapher bapher.
Ki Feature Film
Ka kynhun nongbishar jong ka Feature Film, ka kynthup khatar ngut ki dkhot, ba khlieh da u Director bad Editor ba pawkhmat, u Chairperson Vinod Ganatra. Ka kynhun Nongbishar jong ki dkhot harum ba mihkhmat shimet na ka bynta ki film, bad ki film ba iadei bad ki kam, kiba mihkhmat na ki kam shna phlim ka India.
La jied 25 tylli ki Feature Film ban pyni ha ka bynta Indian Panorama ha ka 53rd IFFI na ki 354 tylli ki phlim kiba mynta. Harum ka thup jong ki feature film ba pyni ia ka jingiar jong ki kam shna phlim ka India.
Ka rai jong ka kynhun Nongbishar jong ka Feature Film na ka bynta ka phlim ka ban plié ia ka Indian Panorama 2022 ka dei ka phlim ‘Hadinelentu’ (Kannada) ba direct da u Prithvi Konanur.
Ki Non-Feature film
Ka kynhun Nongbishar na ka bynta ka Non – Feature Film, kaba don hynriew ngut ki dkhot ka dei kaba long khlieh duh da u nongshna phlim, nongpynmih phlim, nongthoh bad nongjop ia ka khusnam National Film Award, u shongknor, u Oinam Doren. Ka kynhun Nongbisar jong ka Non-Feature film ka don kine ki dkhot kiba long ki nongmihkhmat na ki phlim ba la pawnam bad ki kam shna phlim kiba mihkhmat ruh ia ki kam shna phlim ka India:
La jied ia ki 20 tylli ki Non-Feature film ban pyni ha ka bynta Indian Panorama ha ka IFFI kaba 53 na ki 242 tylli ki non-feature film ka India. Kane ka thup jong ki non-feature film ka pyni ia ka jinglah jong ki nongshna phlim ban ring, wad bad pynbyrnia bad ka pyni ruh ia ki jingngeit jong ki briew ka India.
Ka rai jong ka kynhun ki Nongbishar na ka bynta ka phlim ban pyni sdang ia ka Indian Panorama, 2022 ka dei ka ‘The Show Must Go On’ (English) ba direct da ka Divya Cowasji.
Lah ban kdew hangne ba ia ka Indian Panorama la sdang ha u snem 1978 kum shi bynta ka IFFI ban kyntiew ia ki phlim ka India bad ka deiriti jong ka India lyngba ki kam shna phlim. Naduh ba la sdang ia ka, ka Indian Panorama ka trei kyrpang ban pyni ia ki phlim ba biang tam jong ka India na u snem sha u snem. Ki phlim ba la jied na ka bynta ka Indian Panorama, da ka jingthmu ban kyntiew ia ki kam shna phlim, ki dei ki ban pyni khlem da don ka jingiohnong ha ki international film festival ha India bad shabar ri, ki Indian Film Week ba pynlong hapoh ki Bilateral Cultural Exchange Programme bad ki Specialized Indian Film Festival bad ki Indian Panorama festival ba kyrpang ha India.
