Pynbna ka India ïa ka thup kyrteng na ka bynta ka FIBA U16 Asian Championship 2023 SABA Qualifiers
![](https://mawphor.com/wp-content/uploads/2022/05/Sports-2-750x430.jpg)
Shillong, Nailar 24: Ka kynhun ïalehkai Basketball jong ka ri ka la ïoh ban pynbna ïa ka thup kyrteng jong ki rangïalehkai kiba la shah jied ban mihkhmat ïa ka ri ha ka jingïaknieh rung sha ka FIBA U16 Asian Championship 2023.
Shuwa ban ïoh ïakhun ha katei ka rynsan, ka India kan hap ban ïaid lyngba shuwa na ka FIBA U16 Asian Championship 2023 SABA Qualifiers kaba la pynkhreh ban long ha Colombo, Sri Lanka naduh 28 tarik haduh ka 31 tarik Nailar, 2023.
Ki kynhun ki ban aireng ha ka FIBA U16 Asian Championship 2023 SABA Qualifiers ki kynthup ïa ka Maldives, Sri Lanka bad ka India. Ki kyrteng jong ki rangïalehkai kiba la shah jied ha ka kynhun lehkai U16 Boys National Basketball Team jong ka ri ha kane ka FIBA U16 Asian Championship 2023 SABA Qualifiers i ki long: – u Adavan Chellam Kumaresan (Tamil Nadu), Ankush (Haryana), Aryan Sharma (Telangana), Mirthul Vel Dhanasekar (Tamil Nadu), Divyansh Sisodiya (Uttar Pradesh), Harjeet Singh (Punjab), Jins Kalayil Joby (Kerala), Kailash Bishnoi (Rajasthan), Lavish – Kapten (Haryana), Lokesh Kumar Sharma (Rajasthan), Tajinderbir Singh (Punjab), Mohit Jogchand (Madhya Pradesh).
ïa kane ka kynhun yn ïalam da u Ram Kumar kum u Head Coach, u Asad Ullah Khan Coach, u Ralin Joseph De Souza Head of Delegation, u Ranjan Sharma Physiotherapist, u Donal Steven Wahlang Team Manager.
Ka India kan aireng nyngkong ïa ka Maldives ha ka 29 tarik Nailar bud sa ka jingïakhun ha ka 30 tarik pyrshah ïa ka Srilanka. Tang 2 kynhun ki ban ïoh rung na ka SABA Sub-Zone ha ka FIBA U16 Asian Championship 2023 kaba la pynkhreh ban long ha nongbah Doha, Qatar naduh ka 17 tarik haduh 24 tarik Nailur 2023.