New Delhi, Jylliew 05: U coach ba rangbah jong ka kynhun ïalehkai phutbol ki shynrang jong ka ri India u Manolo Marquez u la pynduna ïa ka kynhun ïalehkai jong u sha ka 25 ngut na ka bynta ka jingïalehkai ïaknieh rung (qualifier) sha ka AFC Asian Cup ban long pyrshah ïa ka Hong Kong ha ka 10 tarik mynta u Jylliew.
Shuwa kane, ka India ka la leit sha Thailand ryngkat bad ka kynhun kaba don 28 ngut ki rangïalehkai na ka bynta ka FIFA International friendly (jingïalehkai paralok), kaba la kut noh da ka jingshah rem da 2-0 kol ha ka sngi Balang.
U rangapkol u Hrithik Tiwari, ryngkat bad ki rangïalehkai ba shadien u Mehtab Singh bad u Subhasish Bose ki la shah weng noh na ka kynhun bad kin sa wan phai beit sha India na Thailand. Katba ki 25 ngut kiba dang sah mynta ki la kynriah noh sha Bangkok ban bteng ïa ka jingpynkhreh na ka bynta ka jingïakhun kaba kongsan pyrshah ïa ka Hong Kong.
Haba phai dien, ka India ka la sdang ïa ka jingïakhun ïaknieh rung jong ka da kaba ïakhaid khlem thep kol pyrshah ïa ka Bangladesh ha u bnai Lber. Hadien ka jingshah rem dang shen ha ka Thailand, ka jingeh kaba ban kan nang jur shuh ha shwa ka jingïalehkai kaba kongsan shabar nala ïing. Baroh saw tylli ki kynhun ha ka Group ba ka India ka don ki ïakhaid da mar 1 poiñ hadien ka wat ïakhun kaba nyngkong.
Ka thup kyrteng ka kynhun ki 25 ngut jong ka India na ka bynta ka jingïalehkai pyrshah ïa ka Hong Kong ki long: Goalkeepers: Vishal Kaith, Gurmeet Singh Chahal, Amrinder Singh.
Defenders: Naorem Roshan Singh, Rahul Bheke, Konsham Chinglensana Singh, Anwar Ali, Thangjam Boris Singh, Sandesh Jhingan, Asish Rai, Tekcham Abhishek Singh.
Midfielders: Suresh Singh Wangjam, Naorem Mahesh Singh, Ayush Dev Chhetri, Udanta Singh Kumam, Lalengmawia Ralte, Liston Colaco, Ashique Kuruniyan, Brandon Fernandes, Nikhil Prabhu.
Forwards: Sunil Chhetri, Edmund Lalrindika, Manvir Singh, Suhail Ahmad Bhat, Lallianzuala Chhangte. Head coach: Manolo Marquez.
