Pynbna jingïarap pisa ka sorkar pdeng kumba T. 10,440 klur tam sha NE ban shna lynti rel

Shillong, Rymphang 03: U Myntri ka tnat Railways Ashwini Vaishnaw, da ka ktien haba ïakren bad ki lad pathai khubor hynne ka sngi u la ïakren halor ki kam ban tei ïa kam rel kaba la buh hapoh ka Union Budget na ka bynta ka 2025-26.
Ha kane ka jingïakren u Myntri u la pynbna ïa ka jingïarap pisa kaba T. 10,440 klur sha kane ka thaiñ ha kaba ïadei bad ka jingshna ïa ka jingïaid ki lynti rel bad ka ban dei ruh ka jingïarap ka ban sah kynmaw ha kane ka thaiñ.
U Vaishnaw u la ong ba ka Indian Railway kan ïai bteng ban pynïar ïa ki kam jong ka ha ka kylleng ka ri da ka jingmang tyngka kaba long T. 2.65 lak klur. Halor kane na ka Railway Ministry plans kan long ruh na ka bynta ban ïarap ïa ki 200 new Vande Bharat train, 100 Amrit Bharat trains bad 50 Namo Bharat rapid rails, ha kaba kine kin ïarap ïa ki longïing jong ka ri India. La ong ruh ba na ka jingtei jong ki 1000 tylli ki flyover kan ïarap ïa ka ri baroh kawei.