Khliehriat, Nailar, 01: U Bah Reachingson Siangshai na East Jaiñtia Hills District u la pan haduh lai tylli ki RTI na ka District Selection Committee (DSC) jong ka East Jaiñtia Hills District ban ïoh jingpynshai halor ka rukom thungkam hadien ba ka DSC ka la ai jingpynbna ïa ki ar tylli ki post Sectional Assistant hynrei ha ka por ba thungkam pat la thung haduh lai ngut ki briew.
Ka RTI kaba nyngkong ba u la pan ka long ha ka 1 tarik, Jymmang 2025, ka RTI kaba ar ka dei ha ka 2 tarik, Naitung 2025 bad kaba lai ka long ha ka 31 tarik, Naitung, 2025.
U Bah Siangshai u la ong ba ka RTI ba la pan ha ka 31 tarik, Naitung, ka dei halor ka jingbym sngewhun ïa ka jingpynbna ïa ki post Sectional Assistant. U la pan jingpynshai ruh ba hato ki don neem ki CCTv ne kino kino ki recording ba la leh da ka DSC.
“Nga la pan jingpynshai ruh ba uei ne kaei kata ba ka DSC ka la thep kam namar ki pynmih post bad pynbna ba don tang ar tylli ki thungkam pat haduh lai tylli ne lai ngut ki briew bad ruh katkum ka jingtip ka jong nga haba nga peit katkum ka kyndon ba wan na ka sorkar jylla ha kaba ïadei bad ka jingpynlong ïa ka ekamin DSC nga ïohi ba ha shwa ban pynmih i aka Advertisement hap ban ïoh ïa ka jingmynjur na ka tnat ba dei peit bad kiwei kiwei ki bynta. Knae ka jingpang RTI jong nga ka long ruh ba kito kiba aplai kin dup shai bad ruh na ka bynta ka jinghun lang jong baroh kiba aplai kam ha ka DSC,” la ong.
U Bah Siangshai u la ong ruh ba haduh mynta u Deputy Commissioner ka East Jaiñtia Hills District um pat pynshai eiei halor kane ka jingmih ka jingthungkam ïa ki lai ngut ki briew ba la pynbna ba don tang ar tyllli ki post na kata ka daw ka la pynlong ïa u ban pan ïa ki certified copy ha kaba ïadei bad ki post Sectional Assistant ba mih lai ngut ka jingthngkam ha ki post ba pynbna tang ar tylli.
Ha ki RTI u la pan jingpynshai ruh ïa ki marks ha kaba ïadei bad ki post ka DSC kiba ha u bnai Lber 2024 bad ong ruh ba un sa ïaid shuh shuh shakhmat halor kane ka bynta ba ïadei bad ka jingpan RTI jong u bad un nym shong kli bad bynrap ruh ba kane ka jingïaid lynti ka jong u ka dei kaba da ka lynti kaba khuid ba suba ka bym don satia kaei kaei sha lyndet hynrei ban pynlong ïa ka jingthungkam ka DSC kaba khuid ba suba hapoh ka district.
