Nongstoiñ, Rymphang 22: Khnang ba kan don ka jingïaid beit ïaid ryntih ha kaba iadei bad ka jingñiew vote na ka bynta ka KHADC Election ka ban long ha ka 24 tarik Rymphang 2025 ha ophis ka Deputy Commissioner, Eastern West Khasi Hills District, Mairang, na ka bynta ka 23-Mairang-Nongkhlaw District Council Constituency bad 24-Pariong-Mawthadraishan District Council Constituency.
Kumta, u bah Dangsan Khyriem, MPS, Superintendent of Police Eastern West Khasi Hills Mairang, u la pynbeit ba ïa ki kali kiba wan na Shillong sha Nongstoiñ, kin hap ban ïaid lyngba ka surok Civil Hospital Mairang sha PHE ophis, nangta sha MeECL ophis bad mih sha highway Mairang bad ïa ki kali kiba wan na Nongstoiñ sha Shillong, ki hap ban ïaid lyngba ka surok Mawsawa sha tieh pdang bad mih sha Mairang Bypass naduh ka por 7 baje mynstep haduh ban da dep ñiew vote.
