Mairang, Ïaiong 09: Ka Jingïaseng Khasi Jaiñtia Presbyterian Assembly kaba khat ar kan sa long ha ka Balang Presbyterian Pyndengumiong, Eastern West Khasi Hills District naduh ka 10 tarik haduh ka 13 tarik Ïaiong, 2025.
Na ka liang ka Balang, ka khmih lynti ba ki riewngeit na kylleng ka ri Khasi bad Jaiñtia kin sa poi ha ka 13 tarik Ïaiong 2025 na ka bynta ka Jingïaseng paidbah ka ban long ha Madan Tiehpdang.
Kumta, ban lait na ka jingdheng kali bad ban suk ka ïaid ka ieng, ka Ophis u Superintendent of Police Eastern West khasi Hills District ka la bthah bad buh ryntih ïa ka rukom pynïaid kali.
Na ka bynta ki kali kiba wan na Shillong kin laid lane rung na Lumsohkhlur Mairang Mission Pyndengumiong Station bad ki jaka Parking kin long ha Madan Dommawlum, ha Tirot Singh Memorial Hall, ha Parking jong kong Mary Marbaniang, ha Parking jong kong Madonna Langstieh, ha Parking jong kong Rosina Marweiñ, ha Parking jong kong Mistilda Marweiñ bad ha Parking jong Bah Kwar Rani.
Ki kali kiba wan na Nongstoiñ kin laid lane Rung na Mawsawa Pungsaniang bad ki jaka pynieng kali kin long ha Madan Fire & Emergency Service Training School, ha Parking jong kong Patricia Mawlieh, Tiehpdang, ha DC Office Complex bad ha Children Park Parking, Mawsawa.
Na ka bynta ki kali kiba wan na Nongkhlaw kin ïaid lane rung na Langstiehrim St Thomas School Junction bad ki jaka Parking kin long ha St Thomas Parish Ground, ha Parking jong kong Madonna Langstieh, ha Parking jong kong Roitina Nongrum bad ha madan Football Pyndengumiong, Langstiehrim bad ïa ki kali kiba wan na Laitdom kin ïaid lane Rung na Laitdom Mairangbah bad ka jaka Parking kan long ha Madan Kuli, Mairangbah.
Ka Ophis u SP ka kyntu ruh ïa ki nongñiah kali ba kin sngewbha ban kohnguh ïa ki jingkdew bad jingpynïaid jong ki Pulit Traffic bad ki Volunteer. Ki nongñiah kali kim dei ban pynher sted bad kim dei ban pynieng kali kulmar harud surok. Hynrei, ban pynieng beit ha ki jaka ba la pyni da ki nongpynïaid kali bad ynda la rung ha area Eastern West Khasi Hills District kim dei shuh ban Overtake lane knieh tam shakhmat.
Lada don kano kano ka jingdonkam kyrkieh sngewbha ban phone sha ka Police Control Room (PCR) Mairang ha u Phone number 7629981814.
