Shillong,Risaw, 04: U Bah Samborlang Diengdoh uwei na ki trai petrol pump ha ka 4 tarik u Risaw, 2022 u la pyllait paidbah ïa u Logo bad ïa ka letter head jong ka Nongmensong Driver Taxi Association ha ka ophis treikam ka seng kaba don ha Nongmensong.
Haba kren ha kane ka sngi u Bah Samborlang diengdoh u la ai khublei kyrpang ïa ki nongseng jong kane ka kynhun bad u la kyntu ïa kiwei pat ki trai ba don ïa ki petrol pump ba kin pyrkhat bad ban ai jingkyrshan lem ïa ki nongniah kali local taxi, namarba ki don ka jingïadei kaba jan bha hapdeng kine ki ar kynhun.
U Bah Diengdoh u la pan ka jingïatreilang jong ki nongniah local taxi bad ki bor synshar shnong khnang ban pynsuk ïa ka leit ka wan jong ki paidbah nongshong shnong ha kane ka thaiï.
Ha kane ka sngi la sakhi lang da Vice President jong ka seng u bah T. Thabah, u General Secretary ka seng u Bah Willson Wahlang, ki nongniah local taxi bad kiwei kiwei.
